ქუთაისში „ქართული ოცნების“ მომხრეები და აქციის მონაწილეები ერთმანეთს დაუპირისპირდნენ

მცირე ინციდენტი მოხდა ქუთაისში ოპოზიციის მიერ გამართულ აქციაზე. აქციის მონაწილეებმა მესხიშვილის თეატრიდან მსვლელობით მერიის შენობასთან გადმოინაცვლეს, სადაც ,,ქართული ოცნების” მხარდამჭერებსა და აქციის მონაწილეებს შორის სიტყვიერი და ფიზიკური დაპირისპირება მოხდა.

Imedinews-ინფორმაციით ვითარება ადგილზე პოლიციის რეაგირების შემდეგ განიმუხტა.

,,გადაგვაგდე! გადაგაგდებთ“, ,,არა ოლიგარქიას“, ,,ჭორვილიზაცია უნდა დასრულდეს“ ,,შეცვალე 20/20-ში” – ამ მოწოდებებით საპროტესტო აქცია მიმდინარეობს ქუთაისში. მესხიშვილის თეატრის წინ ,,ნაციონალური მოძრაობის“ წევრები და ახალგაზრდები შეიკრიბნენ. აქციის მონაწილეები არჩევნების პროპორციული სისტემით ჩატარებას ითხოვენ.

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. ამ გადაწაყვეტილების გამო უმრავლესობა რამდენიმე წევრმა დატოვა. 

გაერთიანებული ოპოზიციის მოთხოვნებია: „ვადამდელი პროპორციული არჩევნები, მთავრობის გადადგომა და სამოქალაქო საზოგადოებით დაკომპლექტებული ცესკო“.

imedinews.ge