ცნობილი რუსი ჟურნალისტი და ტელეწამყვანი ქსენია სობჩაკი რუსეთში დაბრუნდა. ინფორმაცია ამის შესახებ რუსულ მედიაში აქტიურად ვრცელდება.
როგორც უცხოური გამოცემები იწერენ, თვითმხილველებამ დაინახეს, როგორ გადაკვეთა სობჩაკმა რუსეთ-ლატვიის საზღვარი ფსკოვის ოლქში.
სობჩაკის დედამ, რუსეთის ფედერაციის საბჭოს წევრმა ლუდმილა ნარუსოვამ, და ადვოკატმა სერგეი ბადამშინმა უარი თქვეს კომენტარებზე. ადრე ნარუსოვა იტყობინებოდა, რომ მისი ქალიშვილი მალე დაბრუნდებოდა რუსეთში.
ცნობისთვის, 26 ოქტომბრის ღამეს ჟურნალისტმა ქსენია სობჩაკმა რუსეთი დატოვა. იგი ლიტვაში ბელორუსის გავლით გაემგზავრა.
ამავდროულად, სობჩაკის ქმარმა, კონსტანტინე ბოგომოლოვმა ინსტაგრამის საკუთარ ბლოგზე განაცხადა, რომ ის და მისი ოჯახი „იყო, არიან და იქნებიან რუსეთის ფედერაციაში“.
მეუღლის განცხადებიდან უკვე ოთხი დღის შემდეგ ტელეწამყვანის სახლში ჩხრეკა ჩატარდა. როგორც ამბობენ, პოლიციას სობჩაკის დაკავების ორდერიც ჰქონდა.
სობჩაკი რუსეთიდან ლიეტუვაში გაემგზავრა მას შემდეგ, რაც დააკავეს და დააპატიმრეს მისი კომერციული დირექტორი კირილ სუხანოვი. სუხანოვს გამომძალველობაში ედება ბრალი.
ქსენია სობჩაკი ბავშვობიდან იცნობს რუსეთის პრეზიდენტ ვლადიმირ პუტინს. პუტინი მამამისის, სანქტ-პეტერბურგის ყოფილი მერის, ანატოლი სობჩაკის თანაშემწე იყო.
Loading ...