ქობულეთში, რუსთაველის ქუჩის 137 ნომრის მიმდებარედ არსებული ხილ-ბოსტნეულის მაღაზია გაქურდეს.
ინფორმაციას გამოცემა „აჭარა თაიმსი“ ავრცელებს. გამოცემა მოქალაქეებზე დაყრდნობით წერს, რომ მძარცველებმა ობიექტში ფანჯრიდან შეაღწიეს. მათ წინასწარ გამორთეს ობიექტის პერიმეტრზე დამონტაჟებული სათვალთვალო კამერები, რომლის შემდგომაც დაახლოებით 2000 ლარზე მეტი მოიპარეს.
ვიდეოსათვალთვალო სისტემაში ჩანაწერები არ ინახება, რაც საგამოძიებო პროცესს ართულებს.
შსს განმარტეს, რომ მომხდარ ფაქტზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.
კომენტარები
Loading ...