ქობულეთში, სოფელ გვარაში, ავტოსაგზაო შემთხვევის შედეგად 5 ბავშვი და 51 წლის ქალი დაშავდა. შემთხვევა ცოტა ხნის წინ მოხდა ავტობანის ასასვლელთან.
ინფორმაციას მომხდარის შესახებ „აჭარა თაიმსი“ ავრცელებს.
გამოცემის თანახმად, ერთმანეთს „მერსედესისა“ და „ჰიუნდაის“ მარკის ავტომობილები შეეჯახა.
შეჯახების შედეგად დაშავებული პირები სასწრაფო სამედიცინო დახმარების ჯგუფმა ქობულეთის სამედიცინო ცენტრში გადაიყვანა.
დაშავებულებს მრავლობითი დაზიანებები აღენიშნებათ და მათი მდგომარეობის შეფასება ამ ეტაპზე მიმდინარეობს.
ამ დროისთვის გზის სავალი ნაწილი ნაწილობრივ გადაკეტილია, ხოლო პოლიციელები მომხდარზე გამოძიებას აწარმოებენ.
კომენტარები
Loading ...