ქობულეთის 4 ადმინისტრაციულ ერთეულში დღეიდან ახალი კორონავირუსის გავრცელების გამო დაწესებული შეზღუდვების მოხსნა დაიწყება. ამის შესახებ 7 მაისს საკოორდინაციო საბჭოს ეკონომიკური გუნდის სხდომის დასრულების შემდგ განაცხადა აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ.
მისი თქმით, ყოველდღიურად 300-ზე მეტი ტესტირება ტარდება და ბოლო ერთი კვირის განმავლობაში აჭარაში ახალი კორონავირუსით ინფიცირების ახალი შემთხვევა აღარ დადასტურებულა.
ქობულეთის მუნიციპალიტეტის 4 სოფელში, გვარაში, მუხაესტატეში, ლეღვასა და წყავროკაში მკაცრი საკარანტინო შეზღუდვები 12 აპრილს დაწესდა. ამის მიზეზი ინფიცირებულების კონტაქტების ფართო წრე იყო. სოფლებში შესვლა და გამოსვლა აკრძალული იყო, მოქმედებდა სპეციალური რეჟიმი.
კომენტარები
Loading ...