ჩაქვის გვირაბთან, ქობულეთი-ბათუმის დამაკავშირებელ ძველ გზაზე საავტომობილო მოძრაობა დროებით შეიზღუდა. უხვი ნალექის შედეგად მდინარე ადიდდა, რამაც გზის სავალი ნაწილი დატბორა. დატბორილია ბენზინგასამართი სადგურიც. წყალმა მოსახლეობის ეზოებშიც შეაღწია.
ამ დროისთვის გზაზე საცობია შექმნილი. ავტომობილის მძღოლებს და მგზავრებს 112-ის სამაშველო ეკიპაჟი უკან აბრუნებენ. როგორც მძღოლები ამბობენ, დაბალი გამავლობის ავტომობილის ძრავში წყალმა შეაღწია და მანქანები წყლიდან სპეციალური მისაბმელიანი ავტომობილების დახმარებით გამოჰყავთ.
დაბა ჩაქვში მცხოვრები მოსახლეობა ამბობს, რომ მდინარის კალაპოტზე არსებული ხიდი არის გასაფართოებელი და ასამაღლებელი, რომ მდინარის კალაპოტს გამტარუნარიანობა მოემატოს.
წყარო – ajaratv.ge
კომენტარები
Loading ...
