"ქვეყნის სამსახურში" პარლამენტში სითხის დაღვრაზე პასუხისმგებლობას იღებს

პარლამენტში ჯერჯერობით გაურკვეველი ნივთიერების დაღვრაზე პასუხისმგებლობას სამოქaლაქო აქტივისტთა ჯგუფი “ქვეყნის სამსახურში” იღებს.

შესაბამისი პოსტი მათ ფეისბუკში გამოაქვეყნეს.

საქართველოს პარლამენტის სხდომათა დარბაზში ორმა ოპოზიციონერმა დეპუტატმა გაურკვეველი ნივთიერება დაასხა. ამის შესახებ დეპუტატებს პარლამენტის ყოფილმა თავმჯდომარემ ირაკლი კობახიძემ მიაწოდა ინფორმაცია:

„ორი დეპუტატი შემოვიდა სხდომათა დარბაზში ოპოზიციის წარმომადგენელი და გარკვეული ნივთიერება შემოიტანა, დაასხა აქ. ხვდებით მიზანი რა არის. აქედანვე შეგვიძლია დავპირდეთ, რომ ამას მოჰყვება რა თქმა უნდა უმკაცრესი რეაგირება”, – აღნიშნა ირაკლი კობახიძემ.

დეპუტატების თანახმად, სხდომათა დარბაზში მძაფრი სუნი დადგა. აღნიშნულის გამო თავი შეუძლოდ იგრძნო დეპუტატმა ენძელა მაჭავარიანმა, რომელიც მისივე განცხადებით, ალერგიულია.

სხდომაზე ტექნიკური შესვენება გამოცხადდა.

www.radiotavisupleba.ge