ქვეყნები, სადაც ყველაზე ძვირი/იაფია ცხოვრება – რომელ ადგილზეა საქართველო

Numbeo-მ განახლებული მონაცემებით, 2025 წლის პირველი ნახევრისთვის ცხოვრება ყველაზე ძვირი კაიმანის კუნძულებზეა, ყველაზე იაფი კი ლიბიაშია. რეიტინგში კაიმანის კუნძულებს 108.2 ქულა, ხოლო ლიბიას 17.2 ქულა ერგო.

143 ქვეყანას შორის, Cost of Living Index-ში საქართველოს 103 ადგილი ერგო 31.2 ქულით. მეზობელ ქვეყნებს შორის ცხოვრება ყველაზე იაფი აზერბაიჯანშია, რომელიც სიაში 112 ადგილზეა 29.3 ქულით.

ამავე დროს, მონაცემებიდან ირკვევა, რომ საქართველოს მეზობელ ქვეყნებს შორის ცხოვრება ყველაზე ძვირი სომხეთშია, რომელმაც რეიტინგში 40.5 ქულით 69-ე ადგილი დაიკავა.

რაც შეეხება სამეზობლოს დარჩენილი ქვეყნებს, Cost of Living Index-ში 79-ე ადგილზეა თურქეთი, რომელმაც 38.2 ქულა მოიპოვა, ხოლო 85-ე ადგილზე რუსეთია 36.1 ქულით.

5 ქვეყანა მსოფლიოში, სადაც ცხოვრება ყველაზე ძვირია, ასე გამოყურება:

• კაიმანის კუნძულები – 108.2 ქულა;
• შვეიცარია – 106.8 ქულა;
• ბაჰამის კუნძულები – 94.5 ქულა;
• სინგაპური – 85.4 ქულა;
• ნორვეგია – 78.9 ქულა.

5 ქვეყანა, სადაც ყველაზე იაფად იცხოვრებთ, ასე გამოიყურება:

• ლიბია – 17.2 ქულა;
• პაკისტანი – 17.7 ქულა;
• ინდოეთი – 19 ქულა;
• ავღანეთი – 19.1 ქულა;
• ეგვიპტე – 19.6 ქულა.

ინფორმაციისთვის, Numbeo-ს Cost of Living Index აჩვენებს, რამდენად ძვირია ცხოვრება სხვადასხვა ქვეყანაში (ან ქალაქში) საშუალო ხარჯების მიხედვით. რეიტინგის შედგენისას ორგანიზაცია ითვლის საშუალო ხარჯებს შემდეგი ფაქტორების გათვალისწინებით: სუპერმარკეტში საკვების ფასები, რესტორანი, ტრანსპორტი, კომუნალური გადასახადები, ქირა და ა.შ.

წყარო: bpn.ge