“ქვეყანაში არათანაბრად ხდება ვაქცინების გადანაწილება… თუ ქალაქებში იქნებიან აცრილები და რეგიონებში არა, გაგვიჭირდება პანდემიის გლობალური გაკონტროლება” – ამის შესახებ ForbesTalks-ში ალერგოლოგ-იმუნოლოგმა ბიძინა კულუმბეგოვმა განაცხადა.
NCDC-ს ინფორმაციით, 24 აგვისტოს მდგომარეობით ქვეყანაში სრულად ვაქცინირებულია 306 151 ადამიანი ანუ მოზრდილი მოსახლეობის 10.7%.
ბიძინა კულუმბეგოვი ამბობს, რომ პანდემიის ამ ეტაპზე ორჯერადად აცრილი ადამიანების რიცხვი სამიზნე მაჩვენებელთან შედარებით ზღვაში წვეთია. ამასთან აღნიშნავს, რომ ტენდენცია კარგია, თუმცა ვაქცინების გადანაწილებაზე აქვს შენიშვნები.
„ცოტა არათანაბრად ხდება ვაქცინების გადანაწილება. ის შედეგი, რაც გვაქვს თბილისის, ბათუმის, ქუთაისის ხარჯზე მივაღწიეთ. სერიოზული მხარდაჭერა სჭირდება, თუნდაც სოფლის მოსახლოების მობილიზების მხრივ. ბევრი დამაბრკოლებელი ფაქტორია და თუ ნაწილი ქალაქების მოსახლეობა იქნებ აცრილი და რეგიონებში არა, გაგვიჭირდება პანდემიის გლობალური გაკონტროლება.
ორი სახის პრობლემა ჩანს, მაგალითად თბილისში გამტარუნარიანობის პრობლემაა, რაც გარკვეულწილად შეამცირა ვაქცინაციის ცენტრებში რეგისტრაციის გარეშე ვაქცინაციის შესაძლებლობის გაჩენამ, მაგრამ ადამიანების დიდ ნაწილს არ უნდა რიგში დგომა, რადგან რიგით უზრუნველყოფა გართულებულია. რეგიონებში პირიქით, გამტარუნარიანობა კარგად არის უზრუნვეყოფილი, მაგრამ მომართვიანობა არ არის ისეთი, რომელიც ჩვენ გვინდა. ამას სჭირდება სერიოზული სტიმულირება“-აცხადებს კულუმბეგოვი.
www.bm.ge
Loading ...