ლუქსემბურგი გახდება პირველი ქვეყანა მსოფლიოში სადაც საზოგადოებრივი ტრანსპორტი სრულიად უფასო იქნება. ეს გადაწყვეტილება ერთ-ერთია იმ დაპირებებიდან, რომელიც წინასაარჩევნოდ ხელისუფლებამ გასცა. მიაჩნიათ, რომ ეს გადაწყვეტილება გააუმჯობესებს სატრანსპორტო სისტემას და მოაგვარებს საცობების პრობლემას, რომელიც ასე აქტუალურია ქვეყანაში. დედაქალაქში 115 000 მცხოვრებია და დამატებით კიდევ 400 000 სამუშაოდ შემოდის. ასევე ყოველდღე საფრანგეთიდან, ბელგიიდან და გერმანიიდან 200 000 ადამიანი სტუმრობს ქვეყანას. შედეგად 2016 წელს თითოეული ადამიანი საშუალოდ 33 საათი იმყოფებოდა საცობში. უფასო საზოგადოებრივი ტრანსპორტი 2019 წლის ზაფხულიდან უნდა გამხდარიყო, მაგრამ გადაწყვეტილების ამოქმედება გადაიდო და იგი 2020 წელს შევა ძალაში.