ქვემო ნატანების საჯარო სკოლაში კორონავირუსი ადმინისტრაციის თანამშრომელს დღეს დაუდასტურდა. როგორც ოზურგეთის საზოგადოებრივი ჯანდაცვის ცენტრის ხელმძღვანელმა, მაია ქუტიძემ გვითხრა ქალბატონს აღნიშნულ სკოლაში ახლო კონტაქტი მხოლოდ ორ თანამშრომელთან ჰქონდა და ისინი ამ ეტაპისათვის იზოლაციაში ცენტრის რეკომენდაციით გადავიდნენ. რაც შეეხება ახალშენის დაწყებითი კლასების სკოლას, რომელიც ქვემო ნატანების ფილიალია, იქ სწავლა ორი კვირით დისტანციურ რეჟიმზე გადავიდა. როგორც ოზურგეთის საგანმანთლებლო რესურსცენტრის ხელმძღვანელმა, ლელა იმედაშვილმა ჩვენთან საუბრისას აღნიშნა, ამის მიზეზი ქვემო ნატანების სკოლაში დაინფიცირებული საქმისმწარმოებელია, რომელიც ახალშენის ფილიალში იმყოფებოდა და მჭიდრო კონტაქტი ჰქონდა, (ფართის სიმცირის გამო) პედაგოგებთან და მოსწავლეებთანაც.