ქართული მოცვის საექსპორტო ფასი გაიზარდა – რა ღირს 1 კილოგრამი ლურჯი მოცვი?

ლურჯი მოცვის ექსპორტის მონაცემები მზარდია. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

კერძოდ, მათი ცნობით, 2025 წლის 1-ლი მაისიდან 8 ივლისის პერიოდში, ექსპორტირებული მოცვის რაოდენობა წინა წლის ანალოგიურ პერიოდთან შედარებით, 983 ტონით ანუ 23%-ით, ხოლო ღირებულება 10.4 მლნ-ით აშშ დოლარით ანუ 40%-ით გაიზარდა.

რა ღირს კილოგრამი ქართული მოცვი საექსპორტოდ?

უწყების ინფორმაციით, მიდმინარე წლის აღნიშნულ პერიოდში 1 კგ მოცვის საშუალო საექსპორტო ფასი 6.8 აშშ დოლარია, რაც 14%-ით აღემატება წინა წლის მაჩვენებელს.

ამასთან, სამინისტროს ცნობით, მოცვის საექსპორტო ქვეყნებია:

• რუსეთი (5 018 ტონა);
• პოლონეთი (86 ტონა);
• გერმანია (68 ტონა);
• არაბთა გაერთიანებული საამიროები (64 ტონა);
• ნიდერლანდები (63 ტონა);
• სომხეთი (50 ტონა);
• კატარი (0.9 ტონა);
• ინდოეთი (0.7 ტონა).

www.bpn.ge