თურქეთის ბაზარზე არსებულმა სტაგნაციამ გარკვეულწილად სარგებელი მოიტანა ქართულ ბაზარზე. საქართველოს ფინანსთა სამინისტროს ოფიციალური სტატისტიკის მიხედვით, 2023 წლის მაისსა და ივნისში საქართველომ ექსპორტზე 625 ტონა თხილი გაიტანა. 1 კილოგრამის ღირებულება კი 5,45 დოლარი იყო. ეს ფასი 11%-ით მეტია გასული წლის ანალოგიურ თვეებთან შედარებით.
East Fruit-ის ანალიტიკოსების შეფასებით, საქართველომ თხილის თითქმის მთელი მარაგი უკვე გაიტანა ექსპორტზე. გავრცელებული ინფორმაციით, წელს საქართველოში თხილის აღება ჩვეულებრივზე ადრე – ივლისის ბოლოს იწყება. საქართველოს თხილის მწარმოებელთა ასოციაცია ელოდება, რომ ახალ სეზონში წარმოების მოცულობა 50 ათას ტონას გადააჭარბებს.
ცნობისათვის, თურქეთის მარცვლეულის საბჭოს მიერ დადგენილი თხილის ფასები კვლავ ძალიან მაღალია დაინტერესებული მხარეებისთვის. საბჭო, რომელიც თურქეთის ბაზარზე თხილს ყიდულობს და ყიდის, 23 000 ტონა თხილის გაყიდვას აპირებდა, თუმცა გაყიდვები სასურველი ტემპით არ მიდის.
თურქული ფასები უარყოფით ზეწოლას ახდენს მსოფლიო ფასებზე. უარყოფითი გავლენა აქვს ამ ყველაფერზე ლირის დევალვაციასაც: ივნისის დასაწყისიდან ლირა კიდევ 20%-ით გაუფასურდა.
www.bpn.ge
Loading ...