„მეწარმეებისთვის მთავარი გამოწვევა არის ის, რომ რამდენიმე წლის წინ ქართულმა თხილმა მიიღო დიდი რეპუტაციული ზიანი. შედეგად, ქართული თხილი საერთაშორისო ბაზრებზე შედარებით მუდმივად იაფი ღირს“, – ამის შესახებ „ბიზნესპრესნიუსთან“ საუბრისას „ნათს ინკორპორეითედის“ აღმასრულებელმა დირექტორმა თორნიკე ლათათიამ განაცხადა.
მისი თქმით, დღეს საექსპორტო ბაზრებზე თხილის ფასს მეტწილად თურქეთი განსაზღვრავს. თუმცა, რეპუტაციული ზიანის გამო, სხვა ქვეყნებთან შედარებით, ქართული თხილის ფასი 25-30 ცენტით იაფს ფასობს.
„ჩვენს კომპანიას თხილი 14 ქვეყანაში გააქვს ექსპორტზე. ჩვენი მთავარი გამოწვევა არის ის, რომ რამდენიმე წლის წინ ქართულმა თხილმა მიიღო საკმაოდ დიდი რეპუტაციული ზიანი. თხილის ფასს კარნახობს თურქეთი, თუმცა, ამ რეპუტაციული ზიანიდან გამომდინარე, ქართული თხილი მუდმივად შედარებით იაფი ღირს. კერძოდ, 25-30 ცენტით ნაკლებია ქართული თხილის ფასი, ვიდრე რეალურად ღირს თხილი.
Loading ...