ქალს, რომელმაც 118 ბავშვი იშვილა, 20 წლით პატიმრობა მიესაჯა

54 წლის “ფილანტროპ” ჩინელ ქალს, რომელმაც 18 ბავშვი შვილად აიყვანა, 20 წლით პატიმრობა მიესაჯა.

დანაშაულში 15 თანამონაწილე მასთან ერთად გაასამართლეს, მათ შორის მისი შეყვარებულიც იყო.

“მან თაღლითობა ჩაიდინა თავისი ბანდის წევრებთან ერთად, რათა ეკონომიკური სარგებელი მიეღო”,- ნათქვამია სასამართლოს განცხადებაში.

მის შეყვარებულს Xu Qi-ის 12.5 წლიანი პატიმრობა მიესაჯა და დაახლოებით, 175 ათასი დოლარის ჯარიმა დაეკისრა.

დანარჩენ თანამონაწილეებს 4 წლამდე პატიმრობა მიესაჯათ.

Li Yanxia ცნობილი გახდა მას შემდეგ, რაც მან ბავშვების აყვანა დაიწყო. ის ცხოვრობდა პატარა ქალაქ Wu’an-ში, ხეპეის პროვინციაში.

მან მედიასთან თქვა, რომ ის ერთხელ დაქორწინებული იყო, თუმცა ქმარს დაშორდა. მისმა ყოფილმა ქმარმა კი მათი შვილი 7000 იუანად გაყიდა. Li Yanxia-მ თქვა, რომ შვილის დაბრუნება მოახერხა და ამის შემდეგ სურვილი გაუჩნდა, რაც შეიძლება მეტი ბავშვი აეყვანა.

რამდენიმე წლის შემდეგ ის ხეპეის პროვინციის უმდიდრესი ქალი გახდა. 1996 წელს მან რკინის წარმოების კომპანია შეიძინა.

“მე ხშირად 5-6 წლის გოგოს ვხედავდი, რომელიც მაღაროსთან დარბოდა, მამამისი გარდაიცვალა, ცოტახანში დედამისიც და გადავწყვიტე ეს გოგო ჩემთან წამომეყვანა. სწორედ ის იყო პირველი ბავშვი, რომელიც ვიშვილე”,- განაცხადა მან ხეპეის პროვინციის Yanzhao Metropolis Daily-თან ინტერვიუში.

ამის შემდეგ, მან ათობით ბავშვი იშვილა და შემდეგ ობოლთა თავშესაფარიც გახსნა, სახელად “სიყვარულის სოფელი”. მასზე ჩინურ მედიაში ძალიან ხშირად სტატიები იწერებოდა, ერთ-ერთი სტატიის თანახმად, მან სიმსივნეც დაამარცხა.

2017 წელს მისი თავშესაფარი 118 ბავშვს ითვლიდა.

2018 წლის მაისში პოლიციამ მისი ბანკის ანგარიშზე 20 მილიონი იუანი და 20 ათასი დოლარი აღმოაჩინა, ის, ასევე Land Rovers-სა და Mercedes Benz-ს ფლობდა.

როგორც აღმოჩნდა, Li Yanxia არალეგალურ ქმედებებს ჯერ კიდევ 2011 წლიდან ჩადიოდა.

Li Yanxia აყვანილ ბავშვებზეც მანიპულირებდა, რათა მათ არალეგალური საქციელი ჩაედინათ. მაგალითაც, მშენებლობებისთვის ხელი შეეშალათ, ან ბაშვები სატვირთო ავტომობილებს შევარდნოდნენ და ა.შ.

ის ბავშვებს იმ კომპანიების წინააღმდეგ იყენებდა, რომელთა მომავალში დაშანტაჟებაც სურდა, რათა მათგან ფული გამოეძალა.

ქალის დაკავების პერიოდში, 74 ბავშვი ჯერ კიდევ თავშესაფარში იყო დარჩენილი. ბავშვები სხვადასხვა სახელმწიფო სასწავლებელში გადაანაწილეს.

სოციალურ მედიაში მას “ცხვრის ტყავში გადაცმული მგელი” უწოდეს.

“შემაძრწუნებელია, ბიძაჩემმა ერთხელ ქველმოქმედების სახით თავშესაფარს ფულიც კი გადაურიცხა”,- განაცხადა ერთმა ვებსაიტ Weibo-სთან ინტერვიუში.

“მე მას ერთხელ მოსიყვარულე დედა ვუწოდე და ამ სიტყვების უკან წაღება მინდა, მასში არანაირი სიყვარული არ არსებობს და ის ასეთ სახელს არ იმსახურებს”,- ასე გამოეხმაურა ერთ-ერთი ადამიანი მის დანაშაულს.

tabula.ge