“ქალთა აქტივიზმი ეკონომიკური გაძლიერებისთვის” – “სამოქალაქო პიკნიკი” ოზურგეთის კულტურის ცენტრში

„ქალთა აქტივიზმი –  ეკონომიკური გაძლიერებისთვის“ – ამ სახელწოდებით ოზურგეთის მუნიციპალიტეტის კულტურის ცენტრში „სამოქალაქო პიკნიკი“ გაიმართა. შეხვედრაზე ისაუბრეს ქალთა მეწარმეობის ხელშეწყობის მიმართულებით ოზურგეთის მუნიციპალიტეტის გენდერული თანასწორობის საბჭოს სამომავლო გეგმებისა და მუნიციპალური ციფრული სერვისების შესახებ, რომლებიც ხელს შეუწყობს სამოქალაქო პროცესებში ქალთა ჩართულობას.  „სამოქალაქო პიკნიკი“ მოეწყო პროექტის „შინსაქმე ვაქციოთ პროფესიად“ – აქტივიზმი ოზურგეთის მუნიციპალიტეტში მცხოვრებ ქალთა ეკონომიკური გაძლიერებისთვის“ ფარგლებში, რომელსაც „თანამონაწილეობისა და ჩართულობის ცენტრი სიპისი“, ევროკავშირის დაფინანსებითა და „ქალთა ფონდის“ მხარდაჭერით ახორციელებს.