ქსელური მარკეტების ნაწილში ფასდაკლებული სასურსათო პროდუქტების კალათა უკვე გამოჩნდა.
როგორც „ბიზნესპრესნიუსს“ რითეილ ასოციაციის ხელმძღვანელმა სოფო ქაშაკაშვილმა განუცხადა, აღნიშნული ფასდაკლებები ცალკეულმა ქსელებმა უკვე დაიწყეს, ხოლო კვირის ბოლომდე დარჩენილი ქსელებიც სრულად აითვისებენ ამ პროცესს.
როგორც სოფო ქაშაკაშვილმა „ბიზნესპრესნიუსს“ უთხრა, ფასდაკლებულ პროდუქტების კალათაში მომხმარებლებს 10-დან 15-მდე პროდუქტი დახვდებათ.
„ეს არის სოციალური პროდუქტები: მაკარონი, წიწიბურა, ზეთი, პური, კვერცხი, ბრინჯი და გარკვეულ შემთხვევებში, ალბათ რძის პროდუქტებიც. ამის შესახებ ქსელები ინდივიდუალურად განაცხადებენ.
ჩვენ ვერ ვაერთიანებთ მიდგომას, რადგან კანონი არ გვაძლევს უფლებას, გვქონდეს საერთო ფასი – უნდა იყოს კონკურენცია. ამიტომ, ინდივიდუალურად არ მაქვს ინფორმაცია, ვინ რა აქციას სთავაზობს მომხმარებელს, თუმცა ზოგადად შემიძლია გითხრათ, რომ პროცესი უკვე დაწყებულია.
Loading ...