ფორმულას თანამშრომლებს თავს დაესხნენ და მათზე ფიზიკურად იძალადეს

ტელეკომპანია ფორმულას თანამშრომლებს თავს დაესხნენ და მათზე ფიზიკურად იძალადეს. ერთ-ერთ მათგანს ფიზიკურად გაუსწორდნენ, მეორეს კი მანქანა დაუმტვრიეს.

მათი ინფორმაციით, თავდასხმა კრიტიკულ მედიასაშუალებაში მუშაობას უკავშირდება.

ფიზიკურად გაუსწორდნენ მძღოლს, რომლის თქმითაც თავდამსხმელები სიტყვიერ შეურაცხყოფას აყენებდნენ და ახსენებდნენ ფორმულას. კიდევ ერთი თანამშრომელი კი ამბობს, რომ მანქანაზე მინები სავარაუდოდ იმის გამო ჩაუმსხვრიეს, რომ მას საქარე მინაზე ფორმულას საშვი ჰქონდა მიკრული.

ცნობისთვის, თავდასხმას იძიებს პოლიცია ვახო სანაიას შემთხვევაშიც. შემთხვევასთან დაკავშირებით, 14 საათზე საგანგებო ბრიფინგი ჩაინიშნა ტელეკომპანიაში.

formulanews.ge