ფილმები, რომლებიც შეგიყვარდებათ – ''გურიაTV''- ს კინოკლუბისგან

ტელეკომპანია ”გურიაTV”  მაყურებელს ყოველდღე, 23:00 საათზე სხვადასხვა ჟანრის ფილმებს სთავაზობს. ფილმები გათვალისწინებულია ტელეკომპანიის მრავალფეროვან აუდიტორიაზე, შესაბამისად, ყოველი დღის ფილმი სხვადასხვა თემატიკის და სათქმელის მქონეა. 8 თებერვლიდან 14 თებერვლის ჩათვლით ”გურიაTV”- ის ეთერში ქვემოთ ჩამოთვლილ ფილმებს შეგიძლიათ დაელოდოთ.ორშაბათი – უკეთესი ცხოვრება (A BETTER LIFE)  დრამა, რეჟისორი ქრის ვეიცი;

გულშიჩამწვდომი ისტორია იმის შესახებ, თუ რამდენად შორს შეიძლება შეტოპოს ადამიანმა საკუთარი ახლობლებისთვის უკეთესი ცხოვრების შანსის მოსაპოვებლად. საიმიგრაციო სამსახურის აგენტები და ბანდიტური დაჯგუფებები მის წინააღმდეგ არიან, მაგრამ ბავშვის ბედისთვის მებრძოლი მოსიყვარულე მშობელი მზადაა შეუძლებელი შეძლოს. მან კარგად იცის თუ რა ადვილია ამ ქალაქში ყველაფრის ერთდროულად დაკარგვა.

სამშაბათი – ალექს ქროსი (ALEX CROSS) თრილერი, რეჟისორი რობ კოენი;

სახელგანთქმული დეტექტივი ალექს ქროსი დიდი ხანია დასდევს სერიულ მანიაკს სახელად პიკასო, რომელიც კლავს არამარტო სიამოვნების, არამედ ფულის გამოც. რამოდენიმე წლის წინ დეტექტივმა მკვლელის ერთ-ერთი საქმე ჩაშალა. ხოლო პიკასომ მოკლა მისი ცოლი, რომელიც იყო ორსულად.

ოთხშაბათი – და აი ისიც (AND SO IT GOES) მელოდრამა, რეჟისორი რობ რეინერი, მთავარ როლებში მაიკლ დაგლასი და დეიენ კიტონი;

გამოუსწორებელი ეგოისტის ცხოვრება მას შემდეგ იცვლება, როდესაც შეხვდება შვილიშვილის, რომლის არსებობის შესახებ არაფერი იცოდა.

ხუთშაბათი – არბიტრაჟი (ARBITRAGE) დრამა, რეჟისორი ნიკოლას ჯარეკი, მთავარ როლებში რიჩარდ გირი და სუზან სარანდონი;

გაკოტრების პირას მდგომი მაგნატი ცდილობს რა სარფიანად გაყიდოს საკუთარი იმპერია, გაეხვევა უსიამოვნებაში და იძულებულია დახმარება არასასურველ პიროვნებას სთხოვოს.

პარასკევი – სანამ დავეცემი (BEFORE I FALL) კომედია, რეჟისორი – ლი რუსო იანგი, მთავარ როლში ჰელსტონ სეიჯი;

სამანტა კინგსტონი გოგონაა, რომელსაც ყოველთვის და ყველაფერში უმართლებს. მაგრამ იმ დღეს პარასკევს, 12 თებერვალს ყველაფერი არასწორად განვითარდა, შემდეგ ავარია გზაზე და … გოგონა მოჯადოებულ წრეში აღმოჩნდება. ამ წრიდან გასასვლელად სამანტამ უნდა იპოვოს ის არასწორი ნაბიჯი, რომლის შედეგადაც ამ ხაფანგში აღმოჩნდა.

შაბათი – ბრმა მხარეები (BLINDSPOTTING) დრამა, რეჟისორი კარლოს ლოპეს ესტრადა;

კოლინი მოუთმენლად ელის იმ დროს, როდესაც დასრულდება მისი გამოსასწორებელი სამუშაოები და დაუბრუნდება მშვიდ ოჯახურ ცხოვრებას. იგი ცდილობს გამოასწოროს მისი მეგობარი, რომელსაც დაუფიქრებელი საქციელის გამო ხშირად აქვს პრობლემები კანონთან, მაგრამ თავისუფლებამდე ერთი დღით ადრე კოლინი ხდება თვითმხილველი, თუ როგორ მოკლა პოლიციელმა უდანაშაულო აფროამერიკელი.

კვირა – წიგნის კლუბი (BOOK CLUB) მელოდრამა, რეჟისორი ბილ ჰოლდერმანი, როლებში დეიან კიტონი, ჯეინ ფონდა.

ერთხელ ინტელექტუალებს ხელში ეროტიკული ბესტსელერი ჩაუვარდებათ “ნაცრისფერის ორმოცდაათი ელფერი”. ამ დღის შემდეგ კლიფორნიელი ქალბატონების ცხოვრება აღარასოდეს იქნება ისეთი, როგორიც ადრე.