აშშ-ს მთავრობის გადაწყვეტილებით, ნიუ-იორკში დახურულ სივრცეში სადილობა ნებადართული 14 თებერვლიდან გახდება, თუმცა სივრცის დატვირთვა არ უნდა აღემატებოდეს 25%-ს. ამის შესახებ ინფორმაციას CNN-ი ავრცელებს.
აშშ-ს წამყვანი ინფექციონისტი დოქტორი ენტონი ფაუჩი რესტორნების გასხნას ეხმაურება და აცხადებს, რომ დახურულ სივრცეში სადილობა დასაშვებია, თუ ადამიანები გვერდიგვერდ არ ისხდებიან.
ფაუჩი ასევე აღნიშნავს, რომ მან იცის რამდენად ნეგატიური გავლენა აქვს კოვიდ-რეგულაციებს სარესტორნე ბიზნესზე და მოუწოდებს მათ გახსნა სცადონ მომხმარებლებს შორის დისტანცირების ნორმების დაცვით. ასევე აშშ-ს წამყვანი ინფექციონისტი რესტორნების მფლობელებს ურჩევს დახურულ სივრცეში ჰაერი კარგად და მუდმივად ანიავონ.
„ხშირად საზოგადოება ფიქრობს, რომ ჩვენ, ჯანდაცვის სექტორის წარმომადგენლები არ ვაქცევთ ყურადღებას ეკონომიკას… სულაც არა, პირიქით ჩვენ ძალიან დიდი ემპათიით ვართ განმსჭვალული ბიზნესის მიმართ. თუმცა, ამავე დროს ჩვენ უნდა ვიზრუნოთ საზოგადოების ჯანდაცვაზე “, -განაცხადა ფაუჩიმ.
www.bm.ge
Loading ...