”მუნიციპალური ტრანსპორტის” ხელმძღვანელი ამბაკო გოგოტიშვილი ამბობს, რომ 29 მაისიდან ოზურგეთში მუნიციპალური ტრანსპორტი შეუფერხებლად დაიწყებს მოძრაობას.
”ყოველდღე მეკითხებოდა ხალხი, თუ როდის აღდგებოდა ტრანსპორტი. მოთხოვნა ძალიან დიდი იყო. ახალი რეგულაციების თანახმად, აუცილებელია, მგზავრი ტრანსპორტში პირბადით ავიდეს.პირბადე და ხელტათმანები უნდა ეკეთოს მძღოლსაც. ავტომობილი უნდა იყოს დეზინფექცირებული, ხოლო ფანჯრები – ღია. რაც შეეხება ტრანსპორტში მგზავრების დისტანცირებულ ჯდომას, ამაზე ჯერ ჩვენთვის არაფერი უთქვამთ. უკვე შეძენილი გვაქვს 100 ლიტრი სადეზინფექციო ხსნარი და ამით ვაპირებთ ტრანსპორტის დეზინფექცირებას. ეს პროცედურა ავტომობილებს ჩაუტარდებათ მას შემდეგ, რაც მძღოლები ტრანსპორტს სადგომში დააყენებენ, განმეორებით კი დეზინფექცია ავტომობილებს დილით, გასვლის წინ ჩაუტარდებათ.”- განაცხადა ამბაკო გოგოტიშვილმა.
Loading ...