ქავთარაძის ქუჩაზე არსებულ საველე ჰოსპიტალში პაციენტის გარდაცვალება გულის გაჩერებამ გამოიწვია – განაცხადა ჰოსპიტლის კოვიდ-დეპარტამენტის კოორდინატორმა, მერაბ ჩიქოვანმა.
მისი თქმით, პაციენტი იყო საშუალო სიმძიმის, 1945 წელს დაბადებული მამაკაცი, რომლის სამედიცინო დაწესებულებაში გადაყვანის საკითხი დღის წესრიგში არ დამდგარა.
საველე ჰოსპიტალის ექიმის განცხადებით, მიუხედავად პროტოკოლით გათვალისწინებული რეანიმაციული ღონისძიებების ჩატარებისა, ის ვერ გადაარჩინეს:
„პაციენტი იმყოფებოდა ჰაიფლოუ სისტემის აპარატზე. პაციენტის ზოგადი მდგომარეობის დამძიმება განისაზღვრება კლინიკურ-ლაბორატორიული მონაცემებით. მისი მდგომარეობა იყო სტაბილური. მისი ახლობლების იყვნენ ახალი მოსულები, ჩავაყენეთ საქმის კურსში და შემდგომ უკვე მოხდა ეს ფაქტი. უცებ დამძიმდა, თუმც კი პაციენტი იყო საშუალო სიმძიმის. მას მიეწოდებოდა მაღალი ინტენსივობის ჟანგბადი. გულის გაჩერების შემდეგ რეანიმაცია აღმოჩნდა უშედეგო“.
მერაბ ჩიქოვანის განცხადებით, პაციენტი არ იყო ვაქცინირებული.
მისივე ინფორმაციით, დღეს დილის მონაცემებით, სტაციონარში მკურნალობას 87 პაციენტი აგრძელებს.
www.radiotavisupleba.ge
Loading ...