უნიკალური საშობაო ტრადიციები მთელს მსოფლიოში, რომლებმაც შეიძლება გაგაოცოთ

ახა­ლი წელი ერთ-ერთი იმ ტრა­დი­ცი­ა­თა­გა­ნია, რო­მე­ლიც მსოფ­ლი­ოს დიდ ნა­წილს აერ­თი­ა­ნებს და ყვე­ლას სა­ერ­თო ზე­იმ­ში რთავს. მი­უ­ხე­და­ვად ამი­სა, არ­სე­ბობს უამ­რა­ვი გან­სხვა­ვე­ბუ­ლი წესი, რიტუალი და ტრა­დი­ცია, რო­მე­ლიც სხვა­დას­ხვა ქვე­ყა­ნა­ში არ­სე­ბობს და მას სა­ა­ხალ­წლოდ აუ­ცი­ლებ­ლად იცა­ვენ.

რად­გან სა­ა­ხალ­წლო სამ­ზა­დი­სი უკვე და­წყე­ბუ­ლია, ახლა სწო­რედ ამ სა­ინ­ტე­რე­სო ტრა­დი­ცი­ებს გა­გაც­ნობთ.

ფილიპინები

ფი­ლი­პი­ნე­ბის ტრა­დი­ცი­ე­ბი ბა­რა­ქას­თან არის და­კავ­შრე­ბუ­ლი, ამიტომაც, ახალ წელს ყვე­ლა­ფერს მრგვალს აკე­თე­ბენ, რად­გან სიმრგვა­ლე მო­ნე­ტას­თან და ფულ­თან ასო­ცირ­დე­ბა. მათ სჯე­რათ, რომ რაც მეტი მრგვა­ლი ნივ­თი ექ­ნე­ბათ ახალ წელს, მით უფრო ბა­რა­ქი­ა­ნი იქ­ნე­ბა შემ­დე­გი წელი.

ფილიპინების ქალაქ  სან ფერნანდოში ყოველწლიურად  იმართება გიგანტური ფარნების ფესტივალი, რომელშიც წარმოდგენილია კაშკაშა ფარნები, რომლებიც ბეთლემის ვარსკვლავის სიმბოლოა. თითოეული ფანარი შედგება ათასობით მბრუნავი შუქისგან, რომლებიც  ღამის ცას ანათებენ და საოცარ სანახაობას ქმნიან. ფესტივალმა სან ფერნანდო “ფილიპინების საშობაო დედაქალაქად” აქცია.

 

ფინეთი

შობის დილას, ფინელი ოჯახები ტრადიციულად მიირთმევენ ბრინჯის და რძისგან დამზადებულ ფაფას დარიჩინით, რძით ან კარაქით. ვინც იპოვის ერთ-ერთ პუდინგში მოთავსებულ ნუშს “იმარჯვებს”.

 

უკრაინა

მართლმადიდებლები შეადგენენ უკრაინის მოსახლეობის თითქმის 49 %.ისინი აღნიშნავენ შობის დღესასწაულს 7 იანვარს , ტრადიციულ სამოსში ჩაცმულობით და ქალაქში გადაადგილდებიან სიმღერის თანხლებით. კერძი სახელად კუტია, რომელიც მზადდება მოხარშული ხორბლისგან, შეზავებული თაფლით, დაფქული ყაყაჩოს თესლით და ზოგჯერ თხილით, პოპულარული საშობაო კერძია. ზოგიერთი ოჯახი კუტიას კოვზს ჭერზე აგდებს: თუ წებდება, ახალ წელს კარგი მოსავალი იქნება.

 

 

 

 

 

 

 

 

 

 

 

 

 

 

ნორვეგია

ნორვეგიაში საშობაო სეზონი, სახელად ჟულბორდი, იწყება 3 დეკემბერს და მთელი თვის განმავლობაში ავსებს ადგილობრივ ბარებსა და რესტორნებს. ოჯახები პატარა შობას 23 დეკემბერს აღნიშნავენ; თითოეულს აქვს საკუთარი რიტუალი დღისთვის, რომელიც შეიძლება მოიცავდეს ხის მორთვას, ჯანჯაფილის სახლის გაკეთებას და რიზენგრინსგროტის (ცხელი ბრინჯის პუდინგი) ჭამას.

ასევე, რაოდენ უცნაურადაც არ უნდა ჟღერდეს, ნორვეგიაში ახალი წლის დადგომისას ცოცხებს მალავენ. ამ ტრადიციას საფუძვლად უდევს
ძველი სკანდინავიური წარმოდგენები ბოროტ ძალებსა და ალქაჯებზე, რომლის თანახმადაც ახალი წლის წინა ღამეს ალქაჯები ნორვეგიის სხვადასხვა ქალაქებში თავისუფლად დაძრწოდნენ და ცოცხებს იპარავდნენ, რადგან ლეგენდის მიხედვით ეს მათი გადაადგილების საშუალება იყო.

 

 

კო­ლუმ­ბია

 

პატარა სანთლების დღე (Día de las Velitas) – ასე უწოდებენ საშობაო სეზონის დასაწყისს კოლუმბიაში. წმინდა მარიამის საპატივსაცემოდ,  კოლუმბიის სხვადასხვა ქალაქები პატარ-პატარა ფანრებითა და სანთლებით რთავენ აივნებსა და ეზოებს.  უკანასკნელი რამდენიმე წლის განმავლობაში, ეს ტრადიცია უფრო მასშტაბური გახდა, მთელ კოლუმბიაში გავრცელდა და შობის განუყოფელ ნაწილად იქცა.

ასევე, კო­ლუმ­ბი­ა­ში ახა­ლი წლის პირ­ველ დღეს ყვე­ლა ჩე­მო­დანს და­ა­ტა­რებს იმ მიზ­ნით, რომ მო­მა­ვალ წელს ბევ­რს იმოგ­ზა­უ­რე­ბენ.

 

ავსტრია

ავსტრიაში, აქვთ ლეგენდა, რომ ეშმაკისმაგვარი არსება, სახელად კრამპუსი, უერთდება მათ წმინდა ნიკოლოზის დღესასწაულზე, 6 დეკემბერს. ბავშვებს სთხოვენ თავიანთი კარგი და ცუდი საქმეების სია შეადგინონ: კარგი ბავშვები დაჯილდოვდებიან ტკბილეულით, ვაშლით და თხილით.ხოლო ბავშვებუ, რომლებიც ცუდად   დიქცეოდნენ   წუხან რა შეიძლება მოიტანოს კრამპუსმა შობის დილას.

 

მექსიკა

მთელ მექსიკაში ეკლესიის წევრები ატარებენ პასტორელას (მწყემსის პიესებს) საშობაო ისტორიის მოსაყოლად. მექსიკის საშობაო სეზონი იწყება დეკემბრის დასაწყისში, რელიგიური მარშით, რომელიც ხელახლა ასახავს მარიამის და იოსების მოგზაურობას.

კანფეტები მექსიკაში საშობაო საჩუქრებია. ტრადიციული მექსიკური ტკბილეული, როგორც წესი, მზადდება მარილისა და შაქრის ნარევისგან, მის გემოზე ცხელი ჩილის ელფერით.

მექსიკაში ბევრი ქალაქის ცენტრი ცნობილია იმით, რომ ყველგან არის , ცხოველების, იესოს, მწყემსებისა და იოსებისა და მარიამის უზარმაზარი ასლები.

~

ესპანეთი

ესპანეთში, ბევრი ადამიანი მიდის შუაღამის წირვაზე შობის ღამეს, რომელიც ცნობილია როგორც La Misa Del Gallo (მამალის მესა), რადგან ფიქრობენ, რომ სავარაუდოდ მამალმა იყივლა იმ ღამეს, როდესაც იესო დაიბადა.

ასევე, ესპანეთის ერთ-ერთი ყველაზე საინტერესო საშობაო ტრადიცია ლატარიის თამაშია. შობის დროს ესპანეთის ეროვნულ ლატარიაში თითქმის ყველა მონაწილეობს, რაც მას მსოფლიოში ყველაზე დიდ ლატარიაად აქცევს. ის იმდენად დიდია, რომ მას “ელ გორდო” ან “მსუქანი” ჰქვია, 2 მილიარდ ევროზე მეტი ფულადი პრიზების გამო.

მასალა მოამზადა – ლიკა თურქაძემ.