უკრაინული მედია დნეპროპეტროვსკის ოლქისკენ მიმავალი რუსული ძალების განადგურების შესახებ ინფორმაციას ავრცელებს

უკრაინის შეიარაღებულმა ძალებმა დნეპროპეტროვსკის ოლქისკენ მიმავალი რუსული ძალები გაანადგურეს.

უკრაინული მედიის ცნობით, აღნიშნულის შესახებ სიჩესლავის 25-ე საჰაერო-სადესანტო ბრიგადა იუწყება.

„დღეს უკრაინის გაერთიანებული ძალების სიჩესლავის 25-ე საჰაერო-სადესანტო ბრიგადამ შეაჩერა მტრის კოლონები, რომლებიც ცდილობდნენ წინსვლას დნეპროპეტროვსკის ოლქისკენ ბალაკლეადან“, – ნათქვამია „ფეისბუქით” გავრცელებულ განცხადებაში.

აქვე აღნიშნულია, რომ ოპერაციის დროს უკრაინელმა სამხედროებმა მოწინააღმდეგის ტექნიკა და სამხედროები გაანადგურეს.