უკრაინის რადა ლვოვის კაფეში გადაღებულ ანჯელინა ჯოლის ვიდეოს ავრცელებს – კიდევ ერთი მტკიცებულება, რომ მთელი მსოფლიო ჩვენს გვერდითაა

ამერიკელი მსახიობი, იუნისეფი-ს კეთილი ნების ელჩი ანჯელინა ჯოლი უკრაინაში იმყოფება.

ლვოვის ერთ-ერთ კაფეში გადაღებულ ანჯელინა ჯოლის ვიდეოს უკრაინის უმაღლესი რადა „ფეისბუქის“ გვერდზე ავრცელებს.

„ანჯელინა ჯოლი ლვოვის კაფეში! კიდევ ერთი მტკიცებულება იმისა, რომ მთელი მსოფლიო ჩვენს გვერდით არის, მათ შორის ცნობილი ვარსკვლავები!“ – აღნიშნავს რადას პრესსამსახური.

შეგახსენებთ, რომ ერთი თვის წინ ანჯელინა ჯოლიმ რომის ერთ-ერთ პედიატრიულ საავადმყოფოში უკრაინიდან ევაკუირებული ბავშვები მოინახულა.