უკრაინის ომბუდსმენი – 14-დან 24 წლამდე მინიმუმ ოცდახუთმა გოგონამ და ქალმა განაცხადა, რომ რუსმა სამხედროებმა ბუჩაში გააუპატიურეს

14-დან 24 წლამდე მინიმუმ ოცდახუთმა ქალმა და გოგონამ განაცხადა, რომ რუსმა სამხედროებმა ბუჩაში გააუპატიურეს, – ამის შესახებ უკრაინის ომბუდსმენმა ლუდმილა დენისოვამ განაცხადა.

მისი თქმით, უკრაინას აქვს „უკრაინელი ხალხის გენოციდის“ და მათ მიმართ ჩადენილი სამხედრო დანაშაულის მტკიცებულებები. „გაუპატიურება რუსული ძალების ახალი იარაღია“, – აღნიშნა ომბუდსმენმა.

„ეს ხდებოდა ერთი თვის განმავლობაში. ჩვენ გავაგრძელებთ ამ საშინელი დანაშაულების დოკუმენტირებას, ყველა დამნაშავე დაისჯება“, – განაცხადა დენისოვამ.