უკრაინის თავდაცვის მინისტრის მოადგილის, ანა მალიარის განცხადებით, უკრაინის თავდაცვის ძალებმა სოფელი რობოტინო სრულად გაათავისუფლეს.
“უკრაინის თავდაცვის ძალებმა ზაპოროჟიეს ოლქის სოფელი რობოტინო სრულად გაათავისუფლეს. სამხრეთით შეტევაზე ვართ გადასული, ეს არის ჩვენი მთავარი შეტევის ხაზი. მტერი ხერსონისა და ზაპოროჟიეს ოლქებში თავდაცვაზეა გადასული.
რობოტინო სრულად გათავისუფლდა. ახლა ჩვენი ჯარები რობოტინოს სამხრეთ-აღმოსავლეთით და მალაია-ტოკმაჩკას სამხრეთით მოძრაობენ”, – თქვა უკრაინის თავდაცვის მინისტრის მოადგილემ.
მალიარის თქმით, რუსული არმიის წინააღმდეგობის მიუხედავად, უკრაინელები ნოვოდანილოვკას, ნოვოპროკოპოვკას, მალაია ტოკმაჩკასა და ოჩერეტოვატის მიმართულებით წინ მიიწევენ. ამასთან, მან აღნიშნა, რომ გასულ კვირას უკრაინელმა სამხედროებმა ბახმუტის მიმართულებით 1 კვადრატული კილომეტრი გაათავისუფლეს.
Loading ...