უკრაინული მედიის ინფორმაციით, უკრაინის შეიარაღებულ ძალებთან ბრძოლის დროს რუსეთის საჰაერო-სადესანტო პოლკის მეთაური, პოლკოვნიკი სერგეი სუხარევი დაიღუპა. ამის შესახებ რუსული სახელმწიფო ტელე-რადიო კომპანია Kostroma-ც იუწყება.
სუხარევთან ერთად, რუსეთის სახელმწიფო მედია კიდევ 4 საჰაერო-სადესანტო ჯარისკაცის დაღუპვაზე წერს. ესენი არიან: კაპიტანი ალექსეი ნიკიტინი, კაპრალი იური დეგტიარევი, სერჟანტი ალექსანდრე ლიმონოვი და სერჟანტ სერგეი ლებედევი.
Украинская правда-ს ცნობით, 331-ე გვარდიის საჰაერო-სადესანტო პოლკი სერგეი სუხარევის მეთაურობით მონაწილეობდა როგორც ჩეჩნეთის, ასევე 2008 წლის რუსეთ-საქართველოს ომში.
აღსანიშნავია, რომ საჰაერო-სადესანტო ჯარები რუსეთის შეიარაღებული ძალების “ელიტარულ” ქვედანაყოფად ითვლება.
კომენტარები
Loading ...
