უკრაინელმა სამხედროებმა დონბასში რუსული ძალების სამი თვითმფრინავი და სამი დრონი ჩამოაგდეს, – ამის შესახებ ინფორმაცია გაერთიანებული ძალების ოპერაციის შტაბის „ფეისბუქ” გვერდზეა გავრცელებული.
“გაერთიანებული ძალების სამხედრო მოსამსახურეების მოქმედების შედეგად, მიმდინარე დღის განმავლობაში მტრის 9 თავდასხმა წარმატებით იქნა მოგერიებული. ჩვენმა ჯარისკაცებმა რუს ოკუპანტებს მნიშვნელოვანი ზარალი მიაყენეს”, – ნათქვამია ინფორმაციაში.
მათი ცნობით, უკრაინელმა სამხედროებმა, გასული დღის განმავლობაში, რუსული ძალების 8 ტანკი, 17 ერთეული 17 ჯავშანმანქანა და 11 მანქანა გაანადგურეს. ცოცხალი ძალის დანაკარგებმა კი 170 ადამიანი შეადგინა.
„ამასთან, საჰაერო თავდაცვის ნაწილებმა დონბასის ცაზე მტრის სამი თვითმფრინავი და Orlan-10 ტიპის სამი უპილოტო საფრენი აპარატი ჩამოაგდეს“, – აცხადებენ გაერთიანებული ძალების შტაბში.
Loading ...