უკრაინელებმა ხერსონის ოლქში რუსული ძალების შტაბები და საწყობები დაბომბეს

უკრაინულმა ძალებმა დროებით ოკუპირებულ ხერსონის ოლქში, ნოვაია კახოვკაში რუსული ძალების შტაბები და საწყობები დაბომბეს, რის შემდეგაც ტერიტორიაზე ხანძარი გაჩნდა.

ინფორმაციას „ბიბისი“ ავრცელებს.

როგორც მედია წერს, განადგურებულია სამი სამეთაურო პუნქტი თავად ხერსონსა და დარევკაში, ასევე, საბრძოლო მასალების საწყობები ლიუბიმოვკასა და ხერსონში.

უკრაინული მხარე იუწყება, რომ განადგურებულია მდინარე ინგულზე მდებარე ხიდიც, რომლითაც რუსულ ძალებს ნოვაია კახოვკადან ხერსონში იარაღი გადაჰქონდათ.