უკრაინის ქალაქ ზაპოროჟიეში მდებარე საავადმყოფოში გაჩენილ ხანძარს, სადაც კოვიდინფიცირებულებს მკურნალობენ, 4 ადამიანის სიცოცხლე ემსხვერპლა. მედიის ინფორმაციით, დაღუპულებს შორის რეანიმაციული განყოფილების 3 პაციენტი და ერთი ექიმია, განყოფილებაში მყოფი კიდევ 8 კოვიდინფიცირებული კი ევაკუირებულია.
გავრცელებული ინფორმაციით, ხანძარი საავადმყოფოს პირველ სართულზე გაჩნდა, სადაც პაციენტები ხელოვნური სუნთქვის აპარატებზე იყვნენ მიერთებული. უკრაინის პრემიერ-მინისტრის, დენის შმიგლის თქმით, ხანძარი, სავარაუდოდ, ჟანგბადის გაჟონვამ გამოიწვია.
კომენტარები
Loading ...
