უკრაინაში მიწისძვრა მოხდა

უკრაინაში, უჟგოროდში 4,5 მაგნიტუდის მიწისძვრა მოხდა. ბიძგები სხვა რაიონებშიც იგრძნობოდა.

ინტერნეტში ქვეყნდება ვიდეოები უჟგოროდიდან, სადაც ჩანს, რომ სახლებში ჭაღები ირხევა. მიწისქვეშა ბიძგები ლვოვისა და ტერნოპოლის ოლქის მცხოვრებლებმაც იგრძნეს.

“ლვოვის მაცხოვრებლებმა 21:35 წუთზე მცირე ბიძგების შესახებ განაცხადეს. ჩვენ ვაზუსტებთ ინფორმაციას”, – წერს ლვოვის მერი ანდრეი სადოვოი.

მიწისძვრის შესახებ ინფორმაცია ამიერკარპატების რეგიონალურ ადმინისტრაციაში დაადასტურეს.

ბიძგები თითქმის მთელ რეგიონში იგრძნობოდა. საგანგებო სიტუაციების სახელმწიფო სამსახურის თანამშრომლები ინფრასტრუქტურისა და საბინაო სექტორის შესაძლო დაზიანებას ამოწმებენ.

„ექსპერტების შეფასებით, ეს უკვე მესამე მიწისძვრაა კარპატების მთიანეთში. სიტუაციის მონიტორინგი გრძელდება. ჯერჯერობით, ინფორმაცია შესაძლო საფრთხეების შესახებ არ ვრცელდება. OVA-ს თავმჯდომარე ვიქტორ მიკიტა მოსახლეობას მოუწოდებს იყვნენ ყურადღებით და  განმეორებითი ბიძგების შემთხვევაში, გადაადგილდნენ უსაფრთხო ადგილებში,  მაღალსართულიანი შენობებისგან მოშორებით“, – ნათქვამია განცხადებაში.

წყარო: unian.net