უკრაინაში კიდევ ერთი ქართველი სამხედრო დაიღუპა

რამდენიმე დღის წინ, უკრაინაში კიდევ ერთი ქართველი სამხედრო, 23 წლის დანიელ გერლიანი დაიღუპა. რა ვითარებაში გარდაიცვალა ქართველი მებრძოლი, ამ დროისთვის უცნობია. ცნობილია, რომ ის წლების განმავლობაში უკრაინაში ცხოვრობდა.

გერლიანების ოჯახი აფხაზეთიდანაა დევნილი. გარდაცვლილი სამხედროს მამა ახლაც ფრონტის წინა ხაზზე იბრძვის.

დანიელ გერლიანს დღეს კიევში დაკრძალავენ.

გუშინ, ასევე, ცნობილი გახდა, რომ უკრაინაში დაიღუპა კიდევ ერთი მებრძოლი, კირილ შანავა. ნათესავების ინფორმაციით, ის ლუგანსკის ოლქში მიმდინარე ბრძოლებში წინა ხაზზე იბრძოდა, სადაც დაბომბვაში მოყვა.

ცნობისთვის, 24 თებერვლის შემდეგ, უკრაინაში საბრძოლო მოქმედებებს უკვე 15 ქართველი მებრძოლი ემსხვერპლა.