უკრაინაში რუსეთის ომს კიდევ ერთი ქართველი მებრძოლი, ბაჩო ბულისკირია ემსხვერპლა.
“კიდევ ერთი გმირი ძმა დაგვაკლდა სამწუხაროდ, დიდება ძმაო შენს გმირ სულს… ვუსამძიმრებ პირველ რიგში ოჯახს, ახლობლებს, ვუსამძიმრებ მთელ საქართველოს გმირი ბიჭის გარდაცვალებას. გისამძიმრებთ ბიჭებო ჩვენი ძმის გარდაცვალებას. მებრძოლი ბრძოლაში კვდება, ბრძოლაში სიკვდილი კი ჩვენთვის პატივია მებრძოლებს ჩვენი გზა გვაქვს და ამ გზას ბევრი ვერ გაიგებს…” – წერს დანაყოფ “შერეკილების” მეთაური ავთო ქაჯაია სოციალურ ქსელში.
ბაჩო ბულისკირია უკრაინაში რუსეთის სრულმასშტაბიანი ომის დაწყებიდანვე იბრძოდა. თავდაპირველად ის „ქართულ ლეგიონში“ ირიცხებოდა და განსაკუთრებით მნიშვნელოვან სპეცოპერაციებში მონაწილეობდა, მიღებული ჰქონდა საბრძოლო ჭრილობაც.
კომენტარები
Loading ...