უკრაინაზე მომდევნო 24 საათში რუსეთის მხრიდან მოსალოდნელი მასშტაბური დარტყმა – აშშ-ს საელჩოს გაფრთხილება

 “კიევში აშშ-ის საელჩომ მიიღო ინფორმაცია პოტენციურად მნიშვნელოვანი საჰაერო თავდასხმის შესახებ, რომელიც შესაძლოა ნებისმიერ დროს განხორციელდეს მომდევნო 24 საათის განმავლობაში. საელჩო, როგორც ყოველთვის, აშშ-ის მოქალაქეებს რეკომენდაციას აძლევს, საჰაერო განგაშის გამოცხადების შემთხვევაში მზად იყვნენ დაუყოვნებლივ თავშესაფარში გადასასვლელად.“ – წერია აშშ-ის საელჩოს ვებგვერდზე.

 აშშ-ის საელჩოს მიერ უსაფრთხოების წინა მსგავსი გაფრთხილება მიმდინარე წლის 8 იანვარს გამოქვეყნდა. 8-9 იანვრის ღამეს რუსეთმა ლვივის ოლქის მიმართულებით საშუალო სიშორის ბალისტიკური რაკეტა „ორეშნიკი“ გაუშვა.

დღეს პრეზიდენტმა ვოლოდიმირ ზელენსკიმ, კიევის ამერიკელ და ევროპელ პარტნიორთა დაზვერვის მონაცემებზე დაყრდნობით, განაცხადა, რომ რუსეთი სავარაუდოდ ამზადებს დარტყმას უკრაინაზე, მათ შორის კიევზე, საშუალო სიშორის ბალისტიკური რაკეტა „ორეშნიკის“ გამოყენებით