უკრაინა ზურაბიშვილს მადლობას უხდის მეგობრული მხარდაჭერისთვის

უკრაინის საგარეო საქმეთა სამინისტრო საქართველოს პრეზიდენტის, სალომე ზურაბიშვილის მიმართვას გამოეხმაურა და მადლობა გადაუხადა.

“გულწრფელი მადლობა მეგობრული მხარდაჭერისთვის! საქართველო და უკრაინა ერთად!”, – წერს უკრაინის საგარეო უწყება.

გულწრფელი მადლობა მეგობრული მხარდაჭერისთვის! საქართველო და უკრაინა ერთად!

Щира подяка за дружню підтримку! Україна та Грузія разом ! pic.twitter.com/nol4DxnzFD

— MFA of Ukraine ?? (@MFA_Ukraine) February 28, 2022

“ჩვენგან არავინ ელოდება რაღაც ისეთ ზომებს, რომელიც ამ ქვეყანას დააყენებს საფრთხის წინაშე, მაგრამ ჩვენგან ყველა ელოდება სოლიდარობას – თქვენც ელოდებით, მეც ველოდები და ამისთვის ჩამოვედი დღეს აქ პარიზში, ხვალ ბრიუსელში, რომ გამოვხატო ქართული სოლიდარობა უკრაინის მიმართ, იმ დროს, როცა ევროპა ერთიანია. ჩვენც ამ ერთიანობის ნაწილი უნდა გავხდეთ… ჩვენ ყველანი ვართ მადლიერები უკრაინის, რომელიც ჩვენი თავისუფლებისთვის იბრძვის და ჩვენ არ გვინდა, რომ საქართველოს სხვა სურათი ჩანდეს საერთაშორისო არენაზე”, – ამბობდა სალომე ზურაბიშვილი საკუთარ განცხადებაში.