უკრაინის პრეზიდენტმა ვოლოდიმირ ზელენსკიმ ხელი მოაწერა ორ განკარგულებას, რომლითაც ძალაში შევიდა ეროვნული უსაფრთხოებისა და თავდაცვის საბჭოს (NSDC) გადაწყვეტილება რუსეთისა და რუსული კომპანიების წინააღმდეგ სანქციების დაწესების შესახებ.
ამის შესახებ RBC-Ukraine პრეზიდენტის ვებგვერდზე გამოქვეყნებულ დოკუმენტებზე დაყრდნობით იუწყება.
განკარგულებები 19 ოქტომბრით თარიღდება. NSDC-ის მიერ შემუშავებულ სიაში შედის 3800-ზე მეტი ფიზიკური და იურიდიული პირი.
ე.წ. შავ სიაში არიან: ივანიშვილის ძმა ალექსანდრე ივანიშვილი, დეიდაშვილი უჩა მამაცაშვილი და მისი შვილი ტატე მამაცაშვილი.
“სუბიექტი პასუხისმგებელია იმ ქმედებების მატერიალურ ან ფინანსურ მხარდაჭერაზე, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას”, – ვკითხულობთ სანქციების ვებგვერდზე თითოეული მათგანის შესახებ.
Loading ...