უზენაეს სასამართლოსთან ამ წუთებში ნიკა გვარამიას მხარდამჭერი აქცია იმართება. შეკრებილები ამბობენ, რომ ქვეყნის უმაღლესი სასამართლო მედიამენეჯერის საქმის განხილვას მიზანმიმართულად აჭიანურებს. მათი თქმით, გვარამია პოლიტიკური პატიმარია და მისი გათავსიფულება მნიშვნელოვანია არა მხოლოდ პირადად მისთვის, არამედ ქვეყნის ევროინტეგრაციისთვისაც.
საქართველოს რეფორმების ასოციაციის დამფუძნებელი სერგი კაპანაძე 27 მაისს ნიკა გვარმიას მხარდამჭერ აქციაზე მისვლისკენ მოუწოდებს ყველას, ვინც “მთავარი არხის” დამფუძნებლის პატიმრობაში ყოფნის წინააღმდეგია.
ყველა ის ადამიანი, ვინც არის გაბრაზებული, ვისაც არ მოსწონს ნიკას უკანონო პატიმრობა, ყველა ამ ადამიანს ექნება შანსი, რომ მობრძანდეს 27-ში და თავისი პოზიცია ღიად უთხრას პრეზიდენტს და ღია გააგონოს ევროპარლამენტარებს, – ამბობს კაპანაძე.
ტელეკომპანია “კავკასიის” დირექტორი ნინო ჯანგირაშვილი ნიკა გვარამიას გათვაისუფლების საქმეში პრეზიდენტის პასუხისმგებლობაზე საუბრობს.
ყველა, ვისაც შეუძლია, რომ შეცვალოს ეს უმძიმესი მდგომარეობა და ამას არ აკეთებს, პირველ რიგში, საქართველოს პრეზიდენტი, რომელსაც ეს შეუძლია, დებს ერთ აგურს, მინიმუმ, საქართველოს რუსეთში შეყვანაში და ამ ქვეყანაში რუსეთის მშენებლობაში, – ამბობს ნინო ჯანგირაშვილი.
“მთავარი არხის” ტელეწამყვანი დიკო ჯოჯუა სალომე ზურაბიშვილს მოუწოდებს, ქვეყნის ევროინტეგრაციის გზაზე საკუთარი პასუხისმგებლობა გაიაზროს.
პირველ რიგში, მე ვფიქრობ, რომ პრეზიდენტმა უნდა გაიაზროს თავის პასუხისმგებლობა, რომ ერთი ხელის მოწერით შეუძლია საქართველოს ევროპული მომავალი აჩუქოს, რასაც ჰქვია, იმიტომ, რომ ნიკას პატიმრობა, ქვეყნის დემოკრატიას, სიტყვის თავისუფლებას და ევროპულ მომავალს ძირს უთხრის, – ამბობს დიკო ჯოჯუა.
შეგახსენებთ, რომ 27 მაისს, 6 საათზე პრეზიდენტის სასახლესთან “მთავარი არხის” დამფუძნებლის პატიმრობიდან 1 წლის თავზე, ნიკა გვარამიას თავისუფლების მოძრაობამ აქცია დააანონსა
Loading ...
