გომი-საჩხერეს მონაკვეთზე მისაბმელიანი ავტოტრანსპორტის მოძრაობა აკრძალულია.
ინფორმაციას ამის შესახებ საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
„ინტენსიური თოვის და ლიპყინულის გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ52 (გომი-საჩხერე) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია“, – აღნიშნულია ინფორმაციაში.
ყველა სახის ავტოსატრანსპორტო საშუალებით გადაადგილება შეიზღუდა თელავი-გომბორი-ვაზიანის საავტომობილო გზაზე .
ამის შესახებ საქართველოს პირველ არხს თელავის საგზაო სამმართველოს ინჟინერმა, თამაზ აბდულაშვილმა განუცხადა.
„გომბორის უღელტეხილზე ტემპერატურა -12 გრადუსია. იმის მიუხედავად, რომ ინტენსიურად იყრება ტექნიკური მარილი, გზის შავი საფარის დიდი ნაწილი მოყინულია. ისედაც ღამით კომენდანტის საათია და გადაწყდა, რომ ყველა სახის ტრანსპორტისთვის მოძრაობა შეზღუდულიყო. ახლა ტექნიკა მობილიზებულია თელავი- ბაკურციხის მიმართულებით და გზის ამ მონაკვეთზეც თოვლის ყინვის გამო იყრება სილა და ტექნიკური მარილი. ასე გაგრძელდება მთელი ღამის განმავლობაში“, – განაცხადა აბდულაშვილმა.
Loading ...