აშშ-ის პრეზიდენტის სპეციალურმა წარმომადგენელმა სტივ ვიტკოვმა ვაშინგტონში რუსეთის პრეზიდენტის სპეციალურ წარმომადგენელთან კირილ დმიტრიევთან შეხვედრის შემდეგ დონალდ ტრამპს გადასცა კრემლის პოზიცია: რუსეთმა უნდა მოიპოვოს კონტროლი უკრაინის ოთხ რეგიონზე.
ვიტკოფმა უთხრა ტრამპს, იუწყება Reuters, აშშ-ის მთავრობის რამდენიმე წყაროზე დაყრდნობით, რომ ამ პირობის შესრულება ხელს შეუწყობს სამშვიდობო შეთანხმების დაჩქარებას. ვიტკოვმა ეს პოზიცია ადრე საჯაროდ გამოხატა ტაკერ კარლსონთან ინტერვიუში.
უკრაინაში აშშ-ის პრეზიდენტის სპეციალურმა წარმომადგენელმა გენერალმა კიტ კელოგმა მხარი არ დაუჭირა ვიტკოვს, აცხადებენ გამოცემის წყაროები. მან ტრამპს უთხრა, რომ მაშინ, როცა უკრაინა მზად არის დათანხმდეს ამ ტერიტორიებთან დაკავშირებულ ზოგიერთ პირობებს, ის არასოდეს დათანხმდება ცალმხრივად მათ მთლიანად რუსეთისთვის დათმობას.
საერთო ჯამში, Reuters ასკვნის, რომ ტრამპის ადმინისტრაციაში განხეთქილება იმ პირობებთან დაკავშირებით, რომელსაც რუსეთი აყენებს ომის დასასრულებლად, ფართოვდება და აშშ-ს პრეზიდენტის რესპუბლიკელ მოკავშირეებს მიაჩნიათ, რომ ვიტკოფი ამ საკითხზე ზედმეტად პრორუსულ პოზიციას იკავებს.
Loading ...