ტრამვაი რელსებიდან გადავიდა და მაღაზიაში შევარდა – შემთხვევა ნირვეგიაში

ნორვეგიაში ტრამვაი რელსებიდან გადავიდა და ოსლოში მდებარე Apple-ის მაღაზიაში შევარდა. დაშავებულია ოთხი ადამიანი.

დაშავებულებს შორის არიან ტრამვაის მძღოლი, ორი მგზავრი და ერთი გარეთ მყოფი პირი.

პოლიციის ინფორმაციით, ინციდენტის დროს ტრამვაიში დაახლოებით 20 ადამიანი იმყოფებოდა.

ოფიციალური პირების განცხადებით, ტრამვაის ადგილიდან გადაყვანა ვერ მოხდება, ვიდრე ექსპერტები არ დაადგენენ შენობის კედლების სტაბილურობას.

შემთხვევის შესაძლო მიზეზად სიჩქარის გადაჭარბება განიხილება. პოლიციაში აცხადებენ, რომ შემთხვევის მიზეზის დასადგენად ნორვეგიის უსაფრთხოების გამოძიების სააგენტოს ჩართვას ელოდებიან.

ცნობისთვის, ოსლოში ტრამვაით წელიწადში დაახლოებით 50 მილიონი მგზავრი სარგებლობს.