პროფესიული სუმოს უმაღლეს მაკუუჩი დივიზიონში მოჭიდავე ლევან გორგაძემ 2019 წლის სეზონის ბოლო სუპერტურნირზე – ნოემბრის ბაშოზე, მესამე ტურში შეძლო პირველი ქულის აღება. ტოჩინოშინის ზედმეტსახელით ცნობილმა ქართველმა უხერხული მეტოქე – კომუსუბი შოთა ენდო დაამარცხა და უარყოფითი ბალანსი მინიმუმამდე დაიყვანა (1:2).
ფუკუოკაში მიმდინარე ბაშოზე ლევან გორგაძეს თხუთმეტი შეხვედრიდან მინიმუმ ათის მოგება სჭირდება, ოძეკის წოდების დასაბრუნებლად.
13 ნოემბერს გასამართ მეოთხე ტურში ტოჩინოშინის მეტოქე მესამე მაეგაშირა ტაკარაფუჯი იქნება, რომელსაც აქამდე თექვსმეტჯერ დაუპირისპირდა და ცხრაჯერ აჯობა.
კომენტარები
Loading ...