ტოჩინოშინმა ზედიზედ მეორე გამარჯვება მოიპოვა კიუშუ ბაშოზე

სუმოს უმაღლეს მაკუუჩი დივიზიონში სეზონის ბოლო სუპერტურნირზე – ნოემბრის ბაშოზე – მეოთხე ტურის შეხვედრები გაიმართა და ლევან გორგაძემ მეორე ქულა აიღო. ტოჩინოშინის მეტსახელით ცნობილმა ქართველმა მესამე მაეგაშირა ტაკარაფუჯის აჯობა და მოგება-წაგებათა რაოდენობა გაათანაბრა.

მიმდინარე ბაშოზე ლევან გორგაძის მიზანი ოძეკის წოდების დაბრუნებაა. ამისთვის მას დარჩენილი თერთმეტი შეხვედრიდან მინიმუმ რვის მოგება სჭირდება.

14 ნოემბერს მეხუთე ტურში ტოჩინოშინის მეტოქე პირველი მაეგაშირა დაიეიშო იქნება, რომელსაც აქამდე ცხრაჯერ დაეჭიდა და ექვსჯერ დაამარცხა.

www.radiotavisupleba.ge