„ტოტენჰემმა“ ჟოზე მოურინიო გუნდიდან გაათავისუფლა

ცოტა ხნის წინ ცნობილი გახდა, რომ ლონდონის „ტოტენჰემმა“ პორტუგალიელი სპეციალისტი ჟოზე მოურინიო და მისი სამწვრთნელო შტაბი გუნდიდან გაათავისუფლა, – ამის შესახებ „დეზებმა“ სოციალურ ქსელში პოსტი გამოაქვეყნეს.

„კლუბს შეუძლია განაცხადოს, რომ ჟოზე მოურინიო და მისი სამწვრთნელო სტაფი – ჟოაო საკრამენტო, ნუნო სანტოსი, კარლოს ლალინი და ჯოვანი ჩერა თავიანთი პოსტებიდან გათავისუფლდნენ“, – წერია განცხადებაში.

ჯერჯერობით უცნობია, ვინ დაიკავებს მოურინიოს ადგილს ლონდონელთა გუნდში.

შეგახსენებთ, რომ ჟოზემ „ტოტენჰემი“ 2019 წელს ჩაიბარა. წინა სეზონი მან პრემიერლიგაში მე-6 ადგილზე დაასრულა. წელს კი თამამად შეიძლება ითქვას, რომ პორტუგალიელ მწვრთნელს არც თუ ისე კარგი სეზონი ჰქონდა. გუნდი ინგლისის ჩემპიონატში მე-7 ადგილზე იმყოფება, ცოტა ხნის წინ კი ევროპის ლიგიდანაც გამოვარდა.