მიმდინარე წელს (იანვარი-სექტემბერი) საქართველომ საფრანგეთიდან 145,604 მლნ აშშ დოლარის იმპორტი განახორციელა. რაც შეეხება ექსპორტს, ამავე პერიოდში აღნიშნულ ქვეყანაში 26,584 მლნ აშშ დოლარის პროდუქცია გავიდა.
„ბიზნესპრესნიუსი“ დაინტერესდა, იმ პროდუქტების ჩამონათვალით, რასაც ვყიდით და ვყიდულობთ საფრანგეთში.
2021 წლის 9 თვეში საფრანგეთიდან საქართველოში იმპორტირებული ტოპ-10 პროდუქტი:
- დაფასოებული სამკურნალო საშუალებები – 22,830 მლნ აშშ დოლარი
- სასმელების წარმოებაში გამოსაყენებული ნარევები – 16,822 მლნ აშშ დოლარი
- ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები – 7,026 მლნ აშშ დოლარი
- ადამიანის და ცხოველების სისხლი სამედიცინო მიზნებისათვის; იმუნური შრატები – 6,783 მლნ აშშ დოლარი
- კოსმეტიკური საშუალებები ან მაკიაჟისა და კანის მოვლის საშუალებები – 6,638 მლნ აშშ დოლარი
- ინსექტიციდები და მცენარეთა აღმოცენების საწინააღმდეგო საშუალებები, ზრდის რეგულატორები – 3,113 მლნ აშშ დოლარი
- ნაღების კარაქი და რძის სხვა ცხიმები; რძის პასტები – 3,068 მლნ აშშ დოლარი
- სატვირთო ავტომობილები – 2, 846 მლნ აშშ დოლარი
- აგლომერირებული კორპი და ნაწარმი მისგან – 2,447 მლნ აშშ დოლარი
- რეაგენტები დიაგნოსტიკური ან ლაბორატორიული – 2,335 მლნ აშშ დოლარი
2021 წლის 9 თვეში საქართველოდან საფრანგეთში ექსპორტირებული პროდუქტები:
- ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები – 9,357 მლნ აშშ დოლარი
- ელექტრული წყალგამახურებლები – 5,475 მლნ აშშ დოლარი
- ფეროშენადნობები – 2,090 მლნ აშშ დოლარი
- თხილი და სხვა კაკალი – 1,953 მლნ აშშ დოლარი
- ნავთობი და ნავთობპროდუქტები – 1,935 მლნ აშშ დოლარი
- მანგანუმის ოქსიდები – 879.6 ათასი აშშ დოლარი
- ფოთლები, ტოტები და მცენარეების სხვა ნაწილები – 821.3 ათასი აშშ დოლარი
- ხის ნაწარმი და სხვა – 532.4 ათასი აშშ დოლარი
- ბოცები, ბოთლები და სხვა მინის ტევადობები – 517 ათასი აშშ დოლარი
- ნაყოფი და მცენარის სხვა ნაწილები, სხვა წესით დამზადებული ან დაკონსერვებული – 337 ათასი აშშ დოლარი.
რაც შეეხება პირდაპირ უცხოურ ინვესტიციებს, პანდემიურ 2020 წელს საქართველოში საფრანგეთიდან 11.780 მლნ დოლარის ინვესტიცია განხორციელდა, რაც ევროკავშირის ქვეყნებიდან შემოსული ინვესტიციების თითქმის 3. 5%-ს შეადგენს. პანდემიურ 2020 წელს ევროკავშირის ქვეყნებიდან მთლიანად 333.129 მლნ დოლარის პირდაპირი უცხოური ინვესტიცია განხორციელდა.
ამასთან, 2021 წელს, საფრანგეთიდან საქართველოში 3.967 მლნ დოლარის პირდაპირი უცხოური ინვესტიცია განხორციელდა. მთლიანად ევროკავშირიდან კი, 96.163 მლნ დოლარის.
ცნობისთვის, საქართველოს ბიზნეს ასოციაციამ საფრანგეთის უმსხვილესი ბიზნეს გაერთიანების, MEDEF International-ის დელეგაციას უმასპინძლა.
შეხვედრის ფარგლებში ასოციაციამ „აწარმოე საქართველოში“ წარმომადგენელთან ერთად, ფრანგ პარტნიორებს საქართველოს საინვესტიციო პოტენციალი და ზოგადად, ქვეყანაში არსებული ბიზნეს კლიმატი გააცნო. საფრანგეთის დელეგაციის შემადგენლობაში იყვნენ 20 კომპანიის, მცირე და საშუალო ბიზნესების წარმომადგენლები სხვადასხვა სექტორიდან, როგორიცაა საბანკო საქმიანობა, ტელეკომუნიკაციები, ტრანსპორტი, ენერგია, კონსულტირება და სოფლის მეურნეობა.
www.bpn.ge
Loading ...
