ტიკარაძე – ზუსტი ინფორმაცია გვაქვს, „ფაიზერის" მილიონამდე დოზას მივიღებთ – კიდევ რომელ ვაქცინას ელოდებიან საქართველოში

ჯანდაცვის მინისტრი ამტკიცებს, რომ ქვეყანა ფაიზერის” მილიონამდე დოზას მიიღებს. ტიკარაძემ განცხადება იმუნიზაციის საბჭოს სხდომის დასრულების შემდეგ გააკეთა.

მისივე თქმით, ქვეყანა ივნისში „სინოფარმის” 250 ათას დამატებით დოზას მიიღებს.

„ზუსტი ინფორმაცია გვაქვს, რომ „ფაიზერის” მილიონამდე დოზას მივიღებთ, თუმცა, ვაზუსტებთ მოწოდების ბაზას დოზებზე. გვაქვს ასევე ზუსტი ინფორმაცია, რომ მივიღებთ 43 ათას „ასტრაზენეკას” 30 აპრილისთვის. ასევე წარმატებით მიმდინარეობს „სინოფარმთან” მოლაპარაკება და დამატებით 250 ათასი დოზა არის დაპირებული „სინოფარმის” მხრიდან ივნისში”, – ამბობს ტიკარაძე.