ოზურგეთის მეოთხე საჯარო სკოლის დირექტორი ტარიელ კალანდაძე ამავე სკოლის ხელმძღვანელად მუშაობას გააგრძელებს. მას, ისევე, როგორც სხვა სკოლებს, სადაც ახალი დირექტორის არჩევა ვერ მოხერხდა, სამინისტრომ მოვალეობის შემსრულებლის ფუნქცია გაუგრძელა. აღნიშნულთან დაკავშირებით გიორგი კეკელიძე პოსტს აქვეყნებს:
”ტარიელ კალანდაძე გააგრძელებს ოზურგეთის # 4 სკოლის ხელმძღვანელად მუშაობას, ამჯერად, როგორც დირექტორის მოვალეობის შემსრულებელი – ისევე, როგორც რამდენიმე სხვა სკოლის წარმომადგენელი. იმედი მაქვს, ჩემი კოლეგები შესაბამისი კოლეგიიდან, გარკვეულ ცვლილებებს გაითვალისწინებენ სამომავლოდ. და იმედა ვიტოვებ ასევე, რომ მიღებული წესი, არა წესის გისოსებში გაჯიუტებას, არამედ გამონაკლისის წესის ნაწილად ქცევას მოემსახურება – თუ ის იმ საქმეს წაადგება, რისთვისაც ეს წესი იყო ჩაფიქრებული. წესით.” – წერს გიორგი კეკელიძე
კომენტარები
Loading ...
