ტაილანდელმა ჯარისკაცმა ბუდისტურ ტაძარსა და სავაჭრო ცენტრში ცეცხლი გახსნა, დაღუპულია 12 ადამიანი

სულ მცირე 12 ადამიანი დაიღუპა და რამდენიმე დაშავდა ტაილანდში, ნახონ რატჩასიმაში მომხდარი სროლის შედეგად. BBC-ის ინფორმაციით, ცეცხლი ტაილანდელმა ჯარისკაცმა გახსნა.

თავდაცვის სამინისტრის ინფორმაციით, ჯარისკაცმა იარაღი და ამუნიცია სამხედრო ბანაკიდან გაიტაცა, ხოლო შემდეგ ქალაქში მდებარე ბუდისტურ ტაძარში და სავაჭრო ცენტრში ცეცხლი გახსნა. თავდამსმელი ჯერჯერობით არ დაუკავებიათ.