წუხანდელი წვიმის შემდეგ ოზურგეთის მუნიციპალიტეტში სტიქიური მოვლენები განვითარდა. სოფელ ნატანებში რამდენიმე ადგილას ბეტონის გზა ჩავარდა და მოძრაობა შეუძლებელი გახდა. ამავე სოფელში ჯაფარეული-განთიადის უბნების დამაკავშირებელი გზის დაზიანების გამო გარესამყაროს მოწყდა 40 მდე ოჯახი. აქ გზის აღდგენა ამ წუთამდე ვერ ხერხდება, რაც შეეხება სხვა ტერიტორიებს, შესაბამისმა ტექნიკამ ჩამოწოლილი მეწყრისგან სავალი ნაწილი უკვე გაათავისუფლა, გზების აღდგენის პროცესის დაწყება კი შესაძლებელი გეოლოგიური დასკვნის შემდეგ გახდება.
სახელმწიფო რწმუნებული გურიის მხარეში გიორგი ურუშაძე სტიქიურ მოვლენებთან დაკავშირებით აღნიშნავს, რომ მთავრობა დაზარალებულებს შესაბამის დახმარებას აღმოუჩენს, ასევე მისივე თქმით, დაიწყება დაზიანებული ინფრასტრუქტურის აღდგენაც.
კომენტარები
Loading ...