სტიქიამ სილაურში მსხვერპლი და ინფრასტრუქტურის დაზიანება გამოიწვია – რა ვითარებაა ამ დროისთვის სოფელში

ოზურგეთის მუნიციპალიტეტის სოფელ სილაურში სტიქიის შედეგად ერთი ადამიანი დაიღუპა.

ამჟამად სტიქიის შედეგად დაზარალებული რამდენიმე ოჯახი გადაყვანილია სასტუმროში. მიმდინარეობს საცხოვრებელი სახლების გეოლოგიური შემოწმება. წაღებულია რამდენიმე საუბნო ხიდი.

სილაურში ოზურგეთის მერის წარმომადგენლის, გიზო გოგუაძის განცხადებით ამ ეტაპზე ელექტროენერგია არ მიეწოდება ნახევარ სოფელს, მიმდინარეობს აღდგენითი სამუშაოები და დღეს სოფელში სრულად აღდგება ელექტროენერგიის მიწოდება.